#эълон
Ўзбекистон касаба уюшмалари Федерациясининг Тошкент вилояти Кенгаши томонидан “Қувноқлар ва зукколар” кўрик –танловининг Тошкент вилояти лигасига старт берилди.
Унда жамоалар касаба уюшмаларининг фаолияти, меҳнат муҳофазаси, ижтимоий ҳимоя масалалари, юридик мурожаатлар ҳамда жойлардаги жамоа шартномаларининг бажарилиши билан боғлиқ муаммоларни ҳангомалар, хазил – мутойибалар орқали катта саҳнага олиб чиқишлари керак бўлади. Тошкент вилоятида фаолият олиб бораётган корхона ва ташкилотларнинг ёшларидан иборат жамоалар иштирок этиши мумкин. Иштирок этишни истаган жамоалар жорий йилнинг 20 апрель санасига қадар рўйхатдан ўтиши керак.

Жорий йилнинг 10 июн куни Оққўрғон тумани Бирлик МФЙ ҳудудида жойлашган «Shaxnoza Baraka2191» тикув цехининг очилиш маросими бўлиб ўтди.

Тантанали очилиш маросимида Тошкент вилояти Касаба уюшмаси раиси М.Носиров, туман ҳокими Ф.Омонов бошчилигидаги сектор раҳбарлари ҳамда корхона ва ташкилот раҳбарлари иштирок этишди.

«Shaxnoza Baraka2191» тикув цехига жиҳозлар учун жами 1 200 000 000 (бир миллиард икки юз миллион) сўм Касаба уюшмаси федерацияси маблағи ажратилган бўлиб, 150 иш ўрнига мўлжалланган, ҳозирги кунда 80 нафар ишсиз аёллар бандлиги таъминланган, шулардан 32 нафари «Аёллар ва ёшлар дафтари»да турувчи аёллардир.

Мазкур тикув цехи тадбиркор Шахноза Кучкарова томонидан ташкил этилган бўлиб, трикотаж маҳсулотлари ишлаб чиқариб, ички бозорларни тўлдириш ҳамда қўшни давлатларга экспорт қилишни мақсад қилган.

Ўзбекистон касаба уюшмалари Федерацияси Кенгашининг 2017 йил 20 ноябрдаги 8-108 “с”– сонли қарори билан тасдиқланган “Меҳнат муҳофазаси ва хавфсизлиги бўйича жамоатчилик назоратини ташкил этиш юзасидан республика кўрик-танлови тўғрисидаги Низом”, Тошкент вилояти касаба уюшмалари ташкилотлари Бирлашмаси Кенгашининг 2019 йил 15 февралдаги 2-06 “с”- сонли Раёсат қарорларига асосан кўрик-танловнинг Тошкент вилоят босқичида “Энг яхши ташкилот”, “Энг яхши касаба уюшма қўмитаси”, “Энг яхши меҳнат муҳофазаси бўйича вакил”, Энг яхши меҳнат муҳофазаси бўйича ёш мутахассис” номинациялари бўйича бир гуруҳ ғолиблар тақдирландилар.

Ҳар бир тармоқ бўйича аниқланган “Энг яхши корхона”, “Энг яхши касаба уюшма қўмитаси” ва “Энг яхши меҳнат муҳофазаси бўйича вакил”, “Энг яхши меҳнат муҳофазаси ёш мутахассиси” нинг ҳужжатлари кўрик-танловнинг иккинчи босқичида иштирок этиш учун тегишли тармоқ касаба уюшмалари Республика кенгашлари комиссияларига тақдим этилилди.