Биз ҳақимизда

1. Бирлашма кенгаши бирлашма конференциялари оралиғида раҳбар орган бўлиб, 5 йил муддатга сайланади.

Бирлашма кенгаши бевосита конференцияда сайлаш ёки белгиланган меъёрга мувофиқ унинг таркибига аъзо ташкилотлардан вакил йўллаш принципи бўйича шакллантирилиши мумкин.

Бирлашма кенгашининг мажлиси (пленуми) заруратга қараб, лекин ҳар йили камида бир маротаба ўтказилади.

2. Бирлашма кенгаши:

аъзо ташкилотларнинг касаба уюшмалари аъзоларини ижтимоий-иқтисодий ҳуқуқ ва манфаатларини ҳимоя қилиш борасидаги саъй-ҳаракатларини бирлаштиради ва фаолиятларини мувофиқлаштириб туради;

Қорақалпоғистон Республикаси, вилоятлар, Тошкент шаҳар давлат ва хўжалик бошқарув органларида аъзо ташкилотлар ҳамда касаба уюшмалари аъзоларининг  иқтисодий, ижтимоий ҳуқуқлари ҳамда манфаатларини ифодалайди ва ҳимоя қилади;

ҳудудда ижтимоий инфраструктурани ривожлантириш режаларини шакллантиришда иштирок этади;

Ўзбекистон касаба уюшмалари Федерацияси Кенгаши томонидан белгиланган касаба уюшма бюджетининг тегишли қисмини бошқаради ҳамда ишлаб чиқариш, хўжалик ва қонун билан рухсат этилган бошқа фаолиятдан тушадиган маблағларни Федерация Кенгаши билан келишган ҳолда самарали ва мақсадли сарфланишини таъминлайди;

кенгаш раиси ўринбосарини, конференциялар оралиғида, айрим (жумладан ўз ҳоҳишига кўра лавозимидан озод этиш ҳақида ариза берган, бошқа ишга ўтган, саломатлиги ёмонлашганлиги туфайли ўз вазифаларини бажара олмаган) ҳолларда бирлашма раисини сайлайди ва вазифасидан озод этади, Бирлашма кенгаши таркибига аъзо ташкилотлар томонидан янгидан вакил этилганларнинг ваколатларини тасдиқлайди, Бирлашма кенгаши аъзолари таркибини тўлдиради;

конференциялар оралиғида Ўзбекистон касаба уюшмалари Федерацияси Кенгаши таркибидаги ўз вакилларини чақиртириб олиш ва уларнинг ўрнига бошқа вакилларини сайлаш ваколатига эга;

Бирлашма кенгаши раёсати таркибини сайлайди;

бирлашма таркибидан чиққан ёки чиқарилган касаба уюшма ташкилотидан вакил қилинган кенгаш аъзоларини ўз таркибидан чиқаради,  бу ҳолда уларнинг ўрнига бошқа аъзоларни сайлаш ёки конференция томонидан тасдиқланган кенгашнинг сон таркибини ўзгартириш ҳуқуқига эга;

Бирлашма кенгаши раёсатининг ҳисоботини тинглайди, аъзо ташкилотлар орасида юзага келган низоларни кўриб чиқади;

зарурат туғилганда касаба уюшмалари фаолиятининг турли йўналишлари бўйича комиссиялар тузади;

Ўзбекистон касаба уюшмалари Федерацияси қурултойи, бирлашма конференцияси, Ўзбекистон касаба уюшмалари Федерацияси Кенгаши, унинг Раёсати қабул қилган қарорларнинг ижросини таъминлайди;

бирлашманинг конференциясини чақиради, кун тартибини таклиф этади ҳамда Бирлашма кенгашини шакллантириш,  делегатларни сайлаш тартиби ҳамда меъёрини белгилайди;

Федерация Кенгаши томонидан белгиланган тартибда бирлашма мулкига эгалик қилиш, фойдаланиш, тасарруф этиш бўйича меъёрий хужжатлар қабул қилади;

Ўзбекистон касаба уюшмалари Федерацияси Уставига зид бўлмаган бошқа масалаларни ҳал этади.

3. Бирлашма кенгаши аъзо ташкилотларнинг касаба уюшма бюджети бўйича молиявий фаолиятига аралашмайди, лекин Федерация сайланма органлари қарорларининг бажарилишини назорат қилиш доирасида ушбу масалада аъзо ташкилотлар фаолиятини ўрганиши ҳамда масалани Бирлашма кенгаши раёсати муҳокамасига киритиши мумкин.

4. Бирлашма кенгаши ягона ижтимоий тўлов ва касаба уюшма бюджети  бўйича маблағларни тўлиқ тушиши ва тўғри сарфланиши ҳамда Федерация Кенгашига чегирмалар ўз вақтида ва тўла ҳажмда ўтказилишини таъминлайди, бюджет ижроси бўйича ҳисоботларни тақдим этади.

Print Friendly, PDF & Email