Қибрай тумани Дўрмон маданият саройида Мукаррама Турғунбоева номидаги “Миллий рақс ижрочилари” республика кўрик-танловининг вилоят босқичи бўлиб ўтди. Танловда Тошкент вилоятининг 14 та туман-шаҳарларидан 20 нафар ёш яккахон рақс ижрочилари ўз дастурларини намойиш қилишди ва бир қатор мезонлар асосида баҳоланишди. Якуний натижаларга кўра, Чирчиқ шаҳридан Феруза Муҳаммадшарипова 1-ўрин, Қибрай туманидан Мафтуна Фахриддинова 2- ўрин ҳамда Оққўрғон туманидан Ҳуснора Қурбонова 3- ўринга муносиб деб топилди. Танловда муносиб қатнашган иштирокчиларга Тошкент вилояти Маданият бошқармаси томонидан диплом ва фахрий ёрлиқлар тақдим этилди.
Monthly Archives: Sentabr 2019
Халқ таълими вазири Шерзод Шерматов Пискент туманидаги 5-умумтаълим мактабида бўлди
Мактабдаги иқтидорли ўқувчилар ва уларга таълим бераётган фидойи устозлар билан самимий суҳбат қурган вазир математика фани бўйича ўқитувчиларнинг тажрибаларини ўрганди, таклифлари билан қизиқди. Туман ҳокимининг Пискентда математика фанига ихтисослаштирилган мактаб ташкил этиш ҳақидаги таклифи Ш.Шерматов томонидан маъқулланди. Маълумот учун айтиш жоизки, 5-умумтаълим мактаби аниқ фанлар бўйича таянч мактаби ҳисобланади. 2019 йилда умумтаълим мактаблари орасида ўтказилган Миллий рейтингда ушбу мактаб Тошкент вилояти бўйича 2-ўринни эгаллаган.
Спорт- саломатлик гарови!
Юртимизда жисмоний тарбия ва спортни оммалаштириш, аҳоли, айниқса, ёшлар ўртасида соғлом турмуш тарзини тарғиб қилиш учун зарур шарт-шароитлар ва инфратузилмани яратиш борасида изчил чора-тадбирлар амалга оширилмоқда.
Хусусан, жисмоний тарбия ва спорт соҳасида давлат бошқаруви тизимини тубдан такомиллаштириш, аҳоли, айниқса ёшлар ўртасида соғлом турмуш тарзини кенг тарғиб қилиш мақсадида, шунингдек, 2017 – 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни хаётга тадбиқ этиш учун 2018 йилнинг март ойида Ўзбекистон Республикаси Президентининг “Жисмоний тарбия ва спорт соҳасида давлат бошқаруви тизимини тубдан такомиллаштириш чора-тадбирлари тўғрисида”ги ПФ-5368-сонли фармони қабул қилинди. Батафсил
Илк турнирнинг илк ғолиби Тошкент вилояти вакиллари
13-17 сентябр кунлари футбол бўйича 2002-2003 йилларда туғилган (U-17) қизлар ўртасида илк бор Ўзбекистон Республикаси Мустақиллигининг 28 йиллигига бағишланган мусобақа ўтказилди.Қорақалпоғистон Республикаси, вилоятлар ва Тошкент шаҳри вакиллари – 14 жамоа 4 гуруҳга бўлинган ҳолда баҳс олиб борди.
Ўз гуруҳларида биринчи ўринни қўлга киритган Қашқадарё, Тошкент вилояти, Қорақалпоғистон Республикаси ҳамда Тошкент шаҳри жамоалари ярим финал йўлланмасини қўлга киритишди. Ярим финалда Қашқадарё вилояти қизлар жамоаси Қорақалпоғистон Республикаси вакилларини 7:0 ҳисобида мағлубиятга учратди.
Иккинчи ярим финалда Тошкент вилояти ва Тошкент шаҳри жамоаси ўзаро куч синашиб, бунда вилоят жамоаси 7:1 ҳисобида ғалаба қозонди. Учинчи ўрин учун ўтказилган учрашувда Қорақалпоғистон Республикаси ва Тошкент шаҳри жамоалари майдонга тушишди. Ўйин 1:1 ҳисобида якунига етгач, ғолиб пенальтилар серияси орқали аниқлаб олинди. Пенальтилар сериясида Тошкент шаҳри жамоаси 4:3 ҳисобида ғалаба қозонди.
Ниҳоят, мусобақанинг ҳал қилувчи финал ўйини. Майдонда Тошкент ҳамда Қашқадарё вилоятлари жамоалари. Бутун ўйин давомида ташаббусни ўз қўлларига олган пойтахт вилояти вакиллари воҳаликларни йирик – 3:0 ҳисобида мағлубиятга учратиб, илк мусобақанинг илк ғолибига айланди.
Турнир якунида ғолиб ва совриндорлар ҳамда мусобақанинг энг яхшиларига ЎФА томонидан медаллар, кубок ва совғалар топширилди.
Ўзбекистон касаба уюшмалари Федерацияси томонидан ўтказилаётган “Устозлар-касаба уюшмалари эъзозида” Республика танловининг Тошкент вилояти босқичи ўтказилди
Бугунги кунда Президентимиз томонидан илгари сурилаётган ғоя ва ташаббусларни хаётга тадбиқ этишда катта умид ва ишонч билан ҳаётга қадам қўяётган минглаб фарзандларимизни тарбиялашда, уларни ҳар томонлама баркамол инсон бўлиб вояга етишида ўқитувчи ва мураббийларнинг ҳиссаси беқиёс.
Ўзбекистон касаба уюшмалари Федерацияси томонидан ўтказилаётган “Устозлар-касаба уюшмалари эъзозида” Республика танловининг Тошкент вилояти босқичи 2019 йилнинг 19 сентябрида ўтказилди. Батафсил
Spelling error report
The following text will be sent to our editors: