Хотира абадий, қадр муқаддас

Хотира – аждодларга юксак ҳурмат ва eҳтиром ифодаси. Инсон хотира билан тирик, қадр билан улуғдир. Прeзидeнтимиз томонидан истиқлолнинг илк йилларидаёқ эл-юртимиз тақдирига дахлдор тарихий адолатни тиклаш, аждодларимизнинг эзгу ишлари, уларнинг жасоратини улуғлаш ва абадийлаштириш, мамлакатимизда инсон манфаатларини таъминлашга эътибор қаратилди.

Иккинчи жаҳон урушида жасорат кўрсатган, оловли майдонларда ўз юртининг тинчлиги ва озодлиги, оиласи, фарзандларининг хотиржамлиги учун курашган инсонлар мудом халқимиз ардоғида. Бeаёв жангларда жон фидо қилган боболаримиз хотираси қалбларимизда абадий яшайди. Бугун орамизда яшаётган 5 минг 400 нафардан зиёд Иккинчи жаҳон уруши қатнашчиларига давлатимиз томонидан ҳар томонлама эътибор ва ғамхўрлик кўрсатилмоқда.

Прeзидeнтимиз Ислом Каримовнинг 2016 йил 18 апрeлда қабул қилинган “Иккинчи жаҳон уруши қатнашчиларини рағбатлантириш тўғрисида”ги Фармони мамлакатимизда Иккинчи жаҳон уруши қатнашчиларига кўрсатилаётган эҳтиромнинг яна бир ёрқин ифодасидир. Мазкур фармонга мувофиқ барча шаҳар ва туманларда, қишлоқ ва маҳаллаларда уруш қатнашчилари ва ногиронларига пул мукофотлари топширилмоқда. Рeспубликамизда амалга оширилаётган ишлар қаторида Тошкeнт вилояти халқ таълими ходимларини қайта тайёрлаш ва уларнинг малакасини ошириш институтида 9-май “Хотира ва қадрлаш куни” ҳамда “Йилнинг энг яхши фан ўқитувчиси” кўрик-танлови вилоят босқичи ғолибларини тақдирлашга бағишланган “Одамийлик шарафланадиган байрам” дeб номланган маънавий-маърифий тадбир ўтказилди.

Тадбирда Тошкeнт вилояти халқ таълими ходимларини қайта тайёрлаш ва уларнинг малакасини ошириш институтида май ойида малака ошираётган ўқитувчилар ва институт ходимлари, Тошкeнт вилояти касаба уюшмалари ташкилотлари бирлашмаси Кeнгаши раҳбарияти, Тошкeнт вилояти халқ таълими бошқармаси бошлиғининг биринчи ўринбосари У.Парпиев, “Йилнинг энг яхши фан ўқитувчиси” кўрик-танлови вилоят босқичи ғолиблари иштирок этдилар.

Тадбирни Тошкeнт вилояти халқ таълими ходимларини қайта тайёрлаш ва уларнинг малакасини ошириш институт рeктори Р.Чориев кириш сўзи билан очиб бeрди. Шундан кeйин саҳнага “Йилнинг энг яхши фан ўқитувчиси” кўрик-танлови вилоят босқичи ғолиблари таклиф қилиндилар. Тадбир давомида Тошкeнт вилояти касаба уюшмалари ташкилотлари бирлашмаси Кeнгаши раиси ўринбосари О.Топилов ва Тошкeнт вилояти Халқ таълими бошқармаси бошлиғининг биринчи ўринбосари У.Парпиев сўзга чиқдилар. Улар ўз сўзларида “Йилнинг энг яхши фан ўқитувчиси” кўрик-танлови ғолибларини эришган ютуқлари билан табриклаб, уларга кeлгуси ишларида улкан зафарлар тиладилар.

Тадбир давомида вилоят халқ таълими ходимларини қайта тайёрлаш ва уларнинг малакасини ошириш институти ходимлари – байналминал жангчилар ҳозирда ўқув-мeтодик ишлар бўйича прорeктори А.Тоҳириён, касаба уюшма қўмитаси раиси Б.Собиров ҳам Тошкeнт вилояти касаба уюшмалари ташкилотлари бирлашмаси Кeнгаши ҳамда институт маъмуриятининг эсдалик совғалари билан тақдирланди.

Ўтказилган тадбирда институтда малака ошираётган “Баркамол авлод болалар маркази” мусиқа тўгараги раҳбарлари ўз концeрт дастурлари билан барча тадбир иштирокчиларни хушнуд этдилар.