«O‘zbekiston – barchamiz uchun yagona Vatan, yagona qalbdir» mavzusida ma’naviy-ma’rifiy tadbir tashkil etildi

«O‘zmetkombinat» AJ birlashgan kasaba uyushmasi qo’mitasi tomonidan O‘zbekiston Respublikasi Davlat gerbi qabul qilinganligining 32 yilligi munosabati bilan «O‘zbekiston – barchamiz uchun yagona Vatan, yagona qalbdir» mavzusida ma’naviy-ma’rifiy tadbir tashkil etildi.

Tadbirga taklif etilgan Bekobod shaxar hokimi maslahatchisi Ulug‘bek Abdunazarov, Bekobod tumani hokimi maslahatchisi Saida Suvonova, kombinat xotin-qizlar kengashi raisi Marxabo Xoliqovalar o‘z so‘zlarida davlatimiz gerbi mamlakatimizning suvereniteti va mustaqilligini ifodalovchi muqaddas timsollardan biri ekanligini ta’kidlab, yurtimiz gerbi o‘zida katta ma’no-mazmunni mujassam etib, yuksak did va mahorat bilan ishlangani uni hurmat qilish, asrash – barchamizning fuqarolik va burchimiz ekanligini aytib o‘tishdi.

Tadbir davomida ishchi-xodimlar o‘rtasida «Davlat gerbi iftixor ramzi» mavzusida viktorina o‘tkazilib, g‘oliblarga birlashgan kasaba uyushmasi qo‘mitasi tomonidan diplom hamda o‘zbek va jahon adabiyotining eng sara asarlari to‘plami sovg‘a qilindi.