Biz haqimizda

1. Viloyat kengashi birlashma konferensiyalari oralig‘ida rahbar organ bo‘lib, 5 yil muddatga saylanadi.

Viloyat kengashi bevosita konferensiyada saylash yoki belgilangan meʼyorga muvofiq uning tarkibiga aʼzo tashkilotlardan vakil yo‘llash prinsipi bo‘yicha shakllantirilishi mumkin.

Viloyat kengashining majlisi (plenumi) zaruratga qarab, lekin har yili kamida bir marotaba o‘tkaziladi.

2. Viloyat kengashi:

aʼzo tashkilotlarning kasaba uyushmalari aʼzolarini ijtimoiy-iqtisodiy huquq va manfaatlarini himoya qilish borasidagi saʼy-harakatlarini birlashtiradi va faoliyatlarini muvofiqlashtirib turadi;

Qoraqalpog‘iston Respublikasi, viloyatlar, Toshkent shahar davlat va xo‘jalik boshqaruv organlarida aʼzo tashkilotlar hamda kasaba uyushmalari aʼzolarining  iqtisodiy, ijtimoiy huquqlari hamda manfaatlarini ifodalaydi va himoya qiladi;

hududda ijtimoiy infrastrukturani rivojlantirish rejalarini shakllantirishda ishtirok etadi;

O‘zbekiston kasaba uyushmalari Federatsiyasi Kengashi tomonidan belgilangan kasaba uyushma budjetining tegishli qismini boshqaradi hamda ishlab chiqarish, xo‘jalik va qonun bilan ruxsat etilgan boshqa faoliyatdan tushadigan mablag‘larni Federatsiya Kengashi bilan kelishgan holda samarali va maqsadli sarflanishini taʼminlaydi;

kengash raisi o‘rinbosarini, konferensiyalar oralig‘ida, ayrim (jumladan o‘z hohishiga ko‘ra lavozimidan ozod etish haqida ariza bergan, boshqa ishga o‘tgan, salomatligi yomonlashganligi tufayli o‘z vazifalarini bajara olmagan) hollarda birlashma raisini saylaydi va vazifasidan ozod etadi, Birlashma kengashi tarkibiga aʼzo tashkilotlar tomonidan yangidan vakil etilganlarning vakolatlarini tasdiqlaydi, Birlashma kengashi aʼzolari tarkibini to‘ldiradi;

konferensiyalar oralig‘ida O‘zbekiston kasaba uyushmalari Federatsiyasi Kengashi tarkibidagi o‘z vakillarini chaqirtirib olish va ularning o‘rniga boshqa vakillarini saylash vakolatiga ega;

Birlashma kengashi rayosati tarkibini saylaydi;

birlashma tarkibidan chiqqan yoki chiqarilgan kasaba uyushma tashkilotidan vakil qilingan kengash aʼzolarini o‘z tarkibidan chiqaradi,  bu holda ularning o‘rniga boshqa aʼzolarni saylash yoki konferensiya tomonidan tasdiqlangan kengashning son tarkibini o‘zgartirish huquqiga ega;

Birlashma kengashi rayosatining hisobotini tinglaydi, aʼzo tashkilotlar orasida yuzaga kelgan nizolarni ko‘rib chiqadi;

zarurat tug‘ilganda kasaba uyushmalari faoliyatining turli yo‘nalishlari bo‘yicha komissiyalar tuzadi;

O‘zbekiston kasaba uyushmalari Federatsiyasi qurultoyi, birlashma konferensiyasi, O‘zbekiston kasaba uyushmalari Federatsiyasi Kengashi, uning Rayosati qabul qilgan qarorlarning ijrosini taʼminlaydi;

birlashmaning konferensiyasini chaqiradi, kun tartibini taklif etadi hamda Birlashma kengashini shakllantirish,  delegatlarni saylash tartibi hamda meʼyorini belgilaydi;

Federatsiya Kengashi tomonidan belgilangan tartibda birlashma mulkiga egalik qilish, foydalanish, tasarruf etish bo‘yicha meʼyoriy xujjatlar qabul qiladi;

O‘zbekiston kasaba uyushmalari Federatsiyasi Ustaviga zid bo‘lmagan boshqa masalalarni hal etadi.

3. Birlashma kengashi aʼzo tashkilotlarning kasaba uyushma budjeti bo‘yicha moliyaviy faoliyatiga aralashmaydi, lekin Federatsiya saylanma organlari qarorlarining bajarilishini nazorat qilish doirasida ushbu masalada aʼzo tashkilotlar faoliyatini o‘rganishi hamda masalani Birlashma kengashi rayosati muhokamasiga kiritishi mumkin.

4. Birlashma kengashi yagona ijtimoiy to‘lov va kasaba uyushma budjeti  bo‘yicha mablag‘larni to‘liq tushishi va to‘g‘ri sarflanishi hamda Federatsiya Kengashiga chegirmalar o‘z vaqtida va to‘la hajmda o‘tkazilishini taʼminlaydi, budjet ijrosi bo‘yicha hisobotlarni taqdim etadi.