2006 йилнинг 12 сентябрида қабул қилинган “Ўзбекистон Республикаси тиббиёт ходимлари кунини белгилаш тўғрисида”ги Қонунга мувофиқ, мамлакатимизда ҳар йили ноябрь ойининг иккинчи якшанбаси тиббиёт ходимлари байрами сифатида кенг нишонланиб келинади. Мамлакатимизда аҳоли саломатлигини мустаҳкамлаш борасида олиб борилаётган саъй-ҳаракатлар замирида шарафли соҳа вакилларининг машаққатли меҳнати ва бурчга садоқати ётади. Бугунги машаққатли короновирусга чалинган аҳолини даволашда жонбозлик кўрсатган тиббиёт ходими халқимиз саломатлигини таъминлаш учун меҳнат қилиб келмоқда. Тиббиёт ходимларининг эзгу мақсад йўлидаги саъй-ҳаракатлари, туну-кун эл ғамида меҳнат қилиши эвазига шифокорлик касби Батафсил
Янгиликлар
“Ўзбекистонда мажбурий меҳнат ва болалар меҳнатига йўл қўймаслик” мавзусида семинар ўтказилди
2020 йил 8 сентябрь куни Нурафшон шаҳрида вилоят ҳокимлиги мажлислар залида “Ўзбекистонда мажбурий меҳнат ва болалар меҳнатига йўл қўймаслик” мавзусида семинар ўтказилди.
Ушбу семинарда Тошкент вилояти ҳокими Тошкент вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари А.Умаралиев, Ўзбекистон касаба уюшмалари Федерацияси Кенгашининг Тошкент вилояти бўйича меҳнат техник инспектори Ш.Ҳазраткулов, Ўзбекистон Таълим, фан ва маданият ходимлари касаба уюшмаси Республика кенгаши вакили Л.Турикова, Агросаноат мажмуи ходимлари касаба уюшмаси Республика кенгаши вакили Х.Умаров, Тошкент вилояти касаба уюшмалари ташкилотлари бирлашмаси Кенгаши раиси М.Носиров, ҳамда вилоят бошқарма, ташкилот рабарлари, шаҳар ва туман ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари, хуқуқни муҳофаза қилиш органлари ходимлари, Халқ депутатлар шаҳар туман Кенгаши депутатлари, мактаб директорлари, фермер хўжаликлари раҳбарлари иштирок этди. Батафсил
Тиббиёт ходимларини ижтимоий қўллаб-қувватлаш –касаба уюшмалари назоратида!
Ўзбекистон Республикаси Президентининг 2020 йил 26 мартдаги “Короновирус инфекцияси тарқалишига қарши курашишга жалб қилинган тиббиёт ва санитария-эпидемиология хизмати ходимларини қўллаб-қувватлашга оид қўшимча чора-тадбирлар тўғрисида”ги ПҚ-4652-сонли қарорига асосан тиббиёт ва санитария-эпидемиология хизмати ва бошқа ходимларни ижтимоий ва моддий жиҳатдан қўллаб-қувватлаш бўйича амалга оширилаётган ишларни жамоатчилик назоратини олиб бориш мақсадида Ўзбекистон Касаба уюшмалари Федерацияси Кенгашининг Тошкент вилояти бўйича меҳнат техник-инспектори, вилоят бўйича Соғлиқни сақлаш ходимлари масъул такилотчиси, Меҳнатни муҳофаза қилиш бўлими масъул ходимлари томонидан режага мувофиқ ўрганилди. Ишчи гуруҳи томонидан жойларда аниқланган ноқонуний ҳолат буйича тегишли чоралар кўрилмоқда.
Ўзбекистон касаба уюшмалари Федерацияси раиси раҳбарлигида 2020 йилнинг 1 августидаги 01-01-06-сонли видеоселектор йиғилишидаги белгиланган вазифалардан келиб чиқиб Тошкент вилоятида Тиббиёт ходимларини ижтимоий қўллаб–қувватлаш масаласида касаба уюшмаларини назоратини кучайтириш масаласида бир қатор ишлар амалга оширилди. Бугунги кунда пандемияга қарши курашаётган тиббиёт ва санитария-эпидемиология хизмати ва бошқа ходимларни ижтимоий ва моддий жиҳатдан қўллаб-қувватланиши қай даражада амалга оширилаётган ишларни жамоатчилик асосида ўрганиш ва услубий-амалий ёрдам кўрсатиш масаласига алоҳида эътибор қаратилди.
Жорий йилнинг сентябрь ойида Пискент тумани ўрганилганда туман тиббиёт бирлашмасидан коронавирусга қарши кураш тадбирлари учун жами 126 нафар (14 нафар шифокор, 64 нафар ўрта, 48 нафар кичик) тиббиёт ходимлари жалб қилинган. Батафсил
Спорт — соғлом ҳаёт таянчи!
Юртимизда жисмоний тарбия ва спортни оммалаштириш, аҳоли, айниқса, ёшлар ўртасида соғлом турмуш тарзини тарғиб қилиш учун зарур шарт-шароитлар ва инфратузилмани яратиш борасида изчил чора-тадбирлар амалга оширилмоқда. Батафсил
Ўзбекистон бўйлаб саёҳат!
“Ўзбекистон бўйлаб саёҳат қил!” шиори доирасидаги тадбирларни давом эттириш, сайёҳлик дастурларида касаба уюшмаларининг фаол иштирокини ташкил этиш ҳамда корхона, ташкилот ва муассасаларда меҳнат қилаётган ходимлар ва уларнинг оила аъзолари учун юртимизнинг тарихий шаҳарлари ва зиёратгоҳларига саёҳатлар ташкил этиш мақсадида ҳамда Ўзбекистон Республикаси Мустақиллигининг 29 йиллиги байрами муносабати билан Батафсил
Вилоят янгиликлари
“Миллий рақс ижрочилари” республика кўрик-танловининг вилоят босқичи бўлиб ўтди
Қибрай тумани Дўрмон маданият саройида Мукаррама Турғунбоева номидаги “Миллий рақс ижрочилари” республика кўрик-танловининг вилоят босқичи бўлиб ўтди. Танловда Тошкент вилоятининг 14 та туман-шаҳарларидан 20 нафар ёш яккахон рақс ижрочилари ўз дастурларини намойиш қилишди ва бир қатор мезонлар асосида баҳоланишди. Якуний натижаларга кўра, Чирчиқ шаҳридан Феруза Муҳаммадшарипова 1-ўрин, Қибрай туманидан Мафтуна Фахриддинова 2- ўрин ҳамда Оққўрғон туманидан Ҳуснора Қурбонова 3- ўринга муносиб деб топилди. Танловда муносиб қатнашган иштирокчиларга Тошкент вилояти Маданият бошқармаси томонидан диплом ва фахрий ёрлиқлар тақдим этилди.
Халқ таълими вазири Шерзод Шерматов Пискент туманидаги 5-умумтаълим мактабида бўлди
Мактабдаги иқтидорли ўқувчилар ва уларга таълим бераётган фидойи устозлар билан самимий суҳбат қурган вазир математика фани бўйича ўқитувчиларнинг тажрибаларини ўрганди, таклифлари билан қизиқди. Туман ҳокимининг Пискентда математика фанига ихтисослаштирилган мактаб ташкил этиш ҳақидаги таклифи Ш.Шерматов томонидан маъқулланди. Маълумот учун айтиш жоизки, 5-умумтаълим мактаби аниқ фанлар бўйича таянч мактаби ҳисобланади. 2019 йилда умумтаълим мактаблари орасида ўтказилган Миллий рейтингда ушбу мактаб Тошкент вилояти бўйича 2-ўринни эгаллаган.
Илк турнирнинг илк ғолиби Тошкент вилояти вакиллари
13-17 сентябр кунлари футбол бўйича 2002-2003 йилларда туғилган (U-17) қизлар ўртасида илк бор Ўзбекистон Республикаси Мустақиллигининг 28 йиллигига бағишланган мусобақа ўтказилди.Қорақалпоғистон Республикаси, вилоятлар ва Тошкент шаҳри вакиллари — 14 жамоа 4 гуруҳга бўлинган ҳолда баҳс олиб борди.
Ўз гуруҳларида биринчи ўринни қўлга киритган Қашқадарё, Тошкент вилояти, Қорақалпоғистон Республикаси ҳамда Тошкент шаҳри жамоалари ярим финал йўлланмасини қўлга киритишди. Ярим финалда Қашқадарё вилояти қизлар жамоаси Қорақалпоғистон Республикаси вакилларини 7:0 ҳисобида мағлубиятга учратди.
Иккинчи ярим финалда Тошкент вилояти ва Тошкент шаҳри жамоаси ўзаро куч синашиб, бунда вилоят жамоаси 7:1 ҳисобида ғалаба қозонди. Учинчи ўрин учун ўтказилган учрашувда Қорақалпоғистон Республикаси ва Тошкент шаҳри жамоалари майдонга тушишди. Ўйин 1:1 ҳисобида якунига етгач, ғолиб пенальтилар серияси орқали аниқлаб олинди. Пенальтилар сериясида Тошкент шаҳри жамоаси 4:3 ҳисобида ғалаба қозонди.
Ниҳоят, мусобақанинг ҳал қилувчи финал ўйини. Майдонда Тошкент ҳамда Қашқадарё вилоятлари жамоалари. Бутун ўйин давомида ташаббусни ўз қўлларига олган пойтахт вилояти вакиллари воҳаликларни йирик — 3:0 ҳисобида мағлубиятга учратиб, илк мусобақанинг илк ғолибига айланди.
Турнир якунида ғолиб ва совриндорлар ҳамда мусобақанинг энг яхшиларига ЎФА томонидан медаллар, кубок ва совғалар топширилди.
«Бошқарув ва бизнесда хотин-қизлар иштирокини ошириш – мамлакат сиёсатининг устувор йўналиши»
Зангиота туманидаги маданият саройида «Бошқарув ва бизнесда хотин-қизлар иштирокини ошириш – мамлакат сиёсатининг устувор йўналиши» мавзусида семинар ўтказилди.
Семинарда бизнес соҳасида фаолият юритаётган хотин-қизлар ва уларнинг тадбиркорлик ҳамда оилавий бизнесни ривожлантиришдаги улушини ошириш, аёлларга кичик бизнес ва тадбиркорлик учун янада кенгроқ имкониятлар яратиш масалалари муҳокама қилинди.
Маълумот учун:
Амалга оширилган ишлар натижасида жорий йилнинг ўтган даврида вилоятда жами 2.5 минг нафар аёл тадбиркор рўйхатдан ўтиб, 4 мингга яқин хотин-қизлар учун иш ўринлари яратилган. Шунингдек,ўтган даврда тижорат банклари томонидан 1175 нафар тадбиркор хотин-қизларга 100 млрд. сўмга яқин кредит ажратилган.
Тадбирда сенаторлар,Тошкент вилояти ҳокимлиги, Марказий банк, идоралар, ташкилотлар, тижорат банклари вакиллари, Савдо-саноат палатаси, Хотин-қизлар қўмитаси вакиллари, тадбиркор ва ҳунарманд аёллар иштирок этишди.
Мактабда “Ёшлар маркази” фаолият бошлади
Дилфуза Рахимова раҳбарлик қиладиган 4-мактабнинг қисқа муддатда қурилиш-таъмирлаш ишлари якунланиб, янги ўқув йили учун янгича қиёфада фойдаланишга топширилгани ҳақида хабар берган эдик.
“Фактор-глобал – бизнес” масъулияти чекланган жамият қурувчилари томонидан на фақат ўқув биноси, шунингдек, 2 қаватли янги бино қурилиш-таъмирлаш ва мактаб ҳовлисининг ташқи ўрама деворлари, ободонлаштириш ишлари юз фоиз якунланди.
Куни кеча мактаб ҳовлисида қурилган яна бир ажойиб бино “Ёшлар маркази”нинг очилиш маросими бўлиб ўтди. Бир сўз билан айтганда, икки қаватли бинода ёшлар учун барча шароитлар муҳайё қилинган. Ушбу суратларда бунинг гувоҳи бўлишингиз мумкин.
Шу муносабат билан Ёшлар иттифоқи туман кенгаши ташаббуси билан “Туман сардорлари форуми” ҳам ташкил этилди.
— Мактаб ўқувчи-ёшлари учун яратилган шароитларни кўриб кўзимиз қувнади, — дейди Ёшлар Иттифоқи туман кенгаши раиси ўринбосари Зарнигор Мирхаитова. — Замонавий мебеллар, интернет ва бошқа техника жиҳозлари билан таъминланган, эътибор ҳам аъло даражада. Муболаға эмас, 4-мактабдаги “Ёшлар маркази” дек бундай имконият ва шароит ҳали туманимизнинг бошқа масканларида мавжуд эмас.
— Давлатимиз раҳбари ижтимоий, маънавий-маърифий соҳалардаги ишларни янги тизим асосида йўлга қўйиш бўйича 5 та муҳим ташаббуси асосида юзага чиққан амалий натижадир бу, — дейди 4-мактаб директори Дилфуза Рахимова. – Маълумки республикамиз аҳолисининг қарийб 60 фоизини ёшлар ташкил этади. Бу Ўзбекистон тараққиётини мутлақо янги даражага олиб чиқишга қодир улкан ижодий ва интеллектуал салоҳиятдир. Ёшларимизнинг бўш вақтлари самарадорлигини ошириш ва эркин фикрловчи ёшларни қўллаб-қувватлаш эса бизнинг вазифамиз.