3 декабрь – Халқаро ногиронларни химоя қилиш куни

Ўзбекистон касаба уюшмалари Федерация Кенгашининг 2017 йил 28 ноябрдаги 8-113”с”-сонли “Халқаро ногиронлар кунини ўтказишда иштирок этиш тўғрисида”ги раёсат қарори асосида “3 декабрь–Халқаро ногиронларни химоя қилиш куни” муносабати билан вилоятда 2017 йилнинг декабрь ойида “Ногиронларни ва ахолининг кам таъминланган қатламини ижтимоий қўллаб-қувватлаш, уларга саховат ва мурувват кўрсатиш ойлиги”  ўтказилди.Ногиронлар холидан хабар олиш, уларга моддий ва маънавий ёрдам кўрсатиш, корхона, муассаса, ташкилотлар ва  барча туман, шаҳарларда  “3-декабрь Халқаро ногиронларни химоя қилиш куни” муносабати билан маданий-маърифий тадбирлар ўтказилди.

Жумладан: “3 декабрь – Халқаро ногиронларни химоя қилиш куни” муносабати билан жорий йилнинг декабрь ойида “Ногиронларни ва ахолининг кам таъминланган қатламини ижтимоий қўллаб-қувватлаш, уларга саховат ва мурувват кўрсатиш ойлиги” доирасида Пискент туманидаги “Нурнигор” тўйхонасида маданий-маърифий тадбир ўтказилди. Ушбу тадбирда 15 нафар ногиронларга қимматбаҳо совғалар ва 2 нафар ногиронга ногиронлик аравачалари тақдим этилди.

4 декабрь куни саховат ва мурувват кўрсатиш оилиги доирасида Оҳангорон туманидаги  “Саҳоват”уйида маданий – маърифий тадбир ўтказилиб, кексаларнинг кўнгиллари кўтарилди.

12 декабрь куни “Туркистон” санъат саройида вилоят касаба уюшмалари ташкилотлари  бирлашма Кенгаши ҳамда “Меҳржон” Маданият маркази ҳамкорлигида “Меҳржон-2017” фестивали ўтказилди. Фестивалда Тошкент, Жиззах, Сирдарё вилояти, ва Тошкент шаҳар, меҳрибонлик ва махсус-мактаб интернат тарбияланувчилари жами 17 та жамоалар иштирок этди. Ушбу тадбир иштирокчиларига Бирлашма Кенгашининг қимматбаҳо совғалари ҳамда дипломлар тақдим этилди.

“Ногиронларни ва ахолининг кам таъминланган қатламини ижтимоий қўллаб-қувватлаш, уларга саховат ва мурувват кўрсатиш ойлиги”давом этмоқда.